सर्वप्रथम आपणास दंडवत.. गेल्या अनेक वर्षांपासून मी व माझा परिवार आपल्या परिसरात राहत असून आपल्या संपूर्ण परिसराच्या जडणघडणीचा मी साक्षीदार आहे. लहानपणापासून समाजकार्य करण्याची आवड मला राजकीय क्षेत्रापर्यंत घेऊन आली. सर्वसामान्य कुटुंबातून आल्यामुळे सामान्यांच्या समस्यांची जाण, फिनिक्स पक्षासारखे राखेतून झेप घेण्याची वृत्ती नकळत तयार झाली आणि मी माझ्या राजकीय कार्याची श्रीगणेशा केला.
शिव-छत्रपती सामाजिक संस्थेच्या माध्यमातून विविध धार्मिक, सामाजिक, सांस्कृतिक उपक्रम राबवत असताना या परिसरातील नागरिकांचे प्रश्न सोडवण्यासाठी निवेदन व आंदोलनाची भूमिका घेऊन सदर प्रश्न सोडविण्याचा प्रयत्न केला.
हे कार्य करत असताना लोकप्रतिनिधी कसा असावा ही जनभावना उदयास आली. त्यातून प्रेरित होऊन कोणतेही पद, वारसा, पैसा नसतानाही लोकसेवेच्या प्रामाणिक हेतूने परिसरात जनसंपर्क कार्यालयाची स्थापना केली. त्याद्वारे नागरिकांच्या सर्व समस्या सोडवण्यासाठी तसेच शासनाच्या विविध योजनांचा लाभ सगळ्सयांना घेता यावा सर्वसामान्यांना मिळावा म्हणून मी व माझी पत्नी इंजि. सौ. गायत्री विशाल डोखे-गांगुर्डे आम्ही सदैव प्रयत्न करत आलो आहोत. हे कार्य करताना समाजातील घटकांना सोबत घेऊन महामारीच्या काळात जास्तीत जास्त जनसेवा करण्याचा प्रामाणिक प्रयत्न आम्ही केला. राजकारण विरहित समाजकारण करणारा योग्य लोकप्रतिनिधी प्रत्येक भागात असावा असे माझे स्पष्ट मत आहे. आपल्या प्रभाग क्र. २७ मधून मी श्री. विशाल नारायण डोखे किंवा इंजि. सौ. गायत्री विशाल डोखे-गांगुर्डे उमेदवारी करण्याचा मानस आहे.
परिसरातील जडण-घडण तसेच सध्याची परिस्थिती बघता बहुतांश प्रश्न जनते समोर आहेतच मात्र त्या जोडीला नव्याने वाढणारी लोकसंख्या व त्यातून निर्माण होणारी बेरोजगारी तसेच हवालदील तरुण याविषयी प्रश्न मार्गी लावण्याकरिता आम्ही प्रयत्न करू.
तरी या निवडणुकीत सहकुटुंब सहपरिवार आपण आमच्या झोळीत आशीर्वाद टाकावेत अशी मी आपणास नम्र विनंती करतो.
आपला विनीत, तो वाढवावा ही विनंती..!!
आपला हक्काचे
विशाल नारायण डोखे
इंजि. सौ. गायत्री विशाल डोखे (गांगुर्डे)
